நுரை தின்றா பசி தீரும் ?

உரிமை இழந்து நிற்கையிலே - உங்கள்

    உடன்படிக்கை ஒத்துவரு மென்றீர்

பதுங்குகுழியில் பதுங்கிய வேளையிலே - நாங்கள்

    பகட்டுவீடு  கட்டநிதி ஒதுக்கினீர் 

உயிருறுப்பை அவர்கள் நறுக்கையிலே - இருவரையும்

    உக்காந்து பேசிதீர்க்க சொன்னீர் 

கற்பிழந்து எம்பெண்கள் கதறுகையிலே -சூறையாடிய

     காமநாடிகளையே விசாரிக்கச் சொன்னீர் 

பன்னாட்டு விசாரணை தேவையில்லை - இனவழிப்பிற்கு

     உள்நாட்டு விசாரணையே உத்தமமென்றீர் 

அட உலக பதருகளா ..

நுரை தின்றா பசி தீரும் ? ...உங்கள்

சொல் கேட்டா எம்நாடி யடங்கும் ?

வயிற்றுப்பசி தன்னை வைராக்கியத்தால் அடக்கிடுவோம் 

உள்ளப்பசி தன்னை உயிர்நீங்கினும் அடக்கிலோம் 

எங்கள் இதயத்தின் தாகம் .. தமிழீழத் தாயகம் !!

 (மே 2013 கவிமாலையில் பரிசு பெற்றது)